Tokante ADC

E laboratorio ku spesialismo mas ámplio di Kòrsou

Analytisch Diagnostisch Centrum N.V. (ADC), ta e laboratorio médiko ku ta marka pouta na Kòrsou, hibando e delantera ku posibilidatnan analítiko i diagnóstiko. ADC ta hasi tèst pa hende, animal i riba material no-humano pa:

  • Kuidoklínikoi poliklíniko pa pashènt
  • Investigashon Mikrobiológiko
  • Investigashon di Toksikologia i Remedi
  • Investigashon Epidemiológiko
  • Investigashon Patológiko
  • Investigashon Hudisial
  • Investigashon Sientífiko

ADC ta brinda e skala mas ámplio di investigashon, hasí riba petishon di dòkter di kas, spesialista, hospital- i klínikanan i otro laboratorio. No ta pa institutonan médiko so ADC ta e instansia prinsipal pa servisionan di laboratorio, sino pa gobièrnu lokal, Ministerio Públiko, e otro gobièrnunan den Karibe hulandes, empresanan i klientenan partikulier.

Niun otro laboratorio na Kòrsou tin un skala di spesialismo asina ámplio manera esun di ADC. Ku esaki e laboratorio akí por duna un gama ekstenso di servisionan analítiko i diagnóstiko eksakto i lihé.

Ekspertisio ámplio

ADC tin un konosementu enorme a base di su múltiple áreanan di ekspertisio. Un tim di spesialista dediká ta apliká esaki den departamentonan state-of-the-art pa investigashon i diagnóstiko spesialisá.

Desaroyo kontínuo

Kontínuamente ADC ta mehorando su servisio. Ta mantené esaki na nivel, evaluando proseduranan interno frekuentemente riba kalidat i teniendo ouditorianan interno regularmente. Ademas ta kompletá kòntròlnan eksterno di institunonan internashonalmente rekonosé, ku éksito.

Prevenshon promé

Komo guardian di salubridat na Kòrsou, ADC ta atento pa aparishon di malesa- òf desaroyonan ku por peligrá salú di e poblashon. A base di análisisnan di riesgu proaktivo, ADC ta notifiká e instansianan konserní inmediatamente, ora esei ta nesesario. Asina ADC ta kumpli ku su ròl importante den kuido preventivo.

Kompromiso ku komunidat

ADC ta mas ku simplemente e laboratorio ku ta liderá na Kòrsou: por ripará esei na su kompromiso ku e bienestar di e poblashon lokal, por ehèmpel. P’esei ADC gusta kompartí su ekspertisio via, entre otro:

  • seshonnan edukativo pa dòkternan di kas;
  • marshe di empleo i stazje kòrtiku pa hobennan;
  • stazjenan komo ‘leerbedrijf’,akreditá pa e Kenniscentrum PMLF;
  • charlanan grátis pa públiko general;
  • donashonnan na otro instansianan den e sektor di kuido lokal

BioSch Award

Komo ku hobennan ta e prinsipal formadónan di futuro, nan ta haña atenshon spesial di ADC. Regularmente ADC ta organisá òf sostené aktividatnan ku ta kontribuí na e desaroyo di hobennan. E BioSch Award anual, ku ta motivá talentonan den enseñansa sekundario pa sobresalí den siensianan eksakto, ta un ehèmpel di esei.